Wed Apr 01 2020

Sniðug öpp fyrir heimaæfingarnar

Rósa Soffía

Mig langar til að segja ykkur frá þeim öppum sem ég er að nota við heimaæfingarnar mínar þessa dagana þar sem maður kemst ekkert í ræktina. <strong>Train Heroic</strong> Eins og ég sagði ykkur frá í <a href='http://lady.is/articles/rosasoffia/article/heimaeafingapp' target='_blank'>ÞESSARI</a> færslu hér þá erum við Jens Andri að bjóða uppá ókeypis heima æfingaprógram í þessu appi núna. Vikulega koma inn nýjar æfingar, svo þú ert alltaf að gera eitthvað nýtt og skemmtilegt. Það eru meira en 400 manns búnir að skrá sig í þetta prógram og þú getur skráð inn niðurstöðurnar þínar í æfingunum og borið saman við aðra sem skrá líka. En þú getur einnig sleppt því að skrá niðurstöðurnar þínar ef þú kýst frekar, það er alveg undir þér komið. Æfingarnar eru bæði fyrir byrjendur og lengra komna og henta því öllum, alveg sama hvort þú hefur einhvern æfingabúnað eða ekki.

<strong>Wod Generator</strong> Þetta app býr til fyrir þig æfingar. Þú byrjar á því að velja í appinu hvaða æfingatæki og tól þú hefur aðgang að. Þú getur svo einnig valið hvers konar æfingu þú vilt taka, eins og til dæmis hvort þú vilt taka AMRAP, EMOM, TABATA eða FOR TIME æfingu, en þú getur líka sleppt því að velja það og leyft bara appinu að ráða alfarið. Svo velur þú START í aðalvalmyndinni og þá kemur upp æfing fyrir þig. Þetta er ótrúlega skemmtilegt app að nota þegar manni vantar hugmyndir af æfingum. Sérstaklega þegar æfingabúnaðurinn er af skornum skammti, eins og núna þegar allir eru að æfa heima hjá sér, eða þegar maður fer til útlanda eða í sumarbústað til dæmis.

<strong>Smart Wod</strong> Þetta app er mjög sniðugt ef þú ert með æfingu fyrir framan þig sem þú ert að fara að framkvæma en vantar að taka tímann. Þú getur valið um EMOM, AMRAP, TABATA eða TIME í þessu appi og innan allra þessara möguleika er fullt af fleiri möguleikum. Tabata timerinn getur maður notað í hvers konar interval æfingar sem er, til dæmis ef þú ætlar að gera æfingu í 20 mín, þar sem þú ætlar að vinna í eina mín og hvílda svo í 30 sek til skiptis, þá geturu stillt það þar inni. Eins ef þú vilt taka EMOM þar sem þú hefur þrjár mín til að gera ákveðnar æfingar og ætlar að gera það fimm sinnum. Það er bókstaflega hægt að setja upp timer fyrir allt í þessu appi.

<strong>Runkeeper</strong> Þetta er appið sem ég nota þegar ég fer út að labba eða hlaupa til að mæla hversu langt og hratt ég fer. Það er hægt að nota þetta app líka fyrir hjól og fleira. Ég hef prófað nokkur hlaupa öpp og þetta er það sem mér finnst lang einfaldast og þægilegast í notkun. Maður velur bara hvaða activity maður er að fara að gera og svo ýtir maður á Start. Svo getur maður valið hvort það er rödd sem segir manni reglulega hversu langt maður er kominn og á hvaða hraða maður er og þess háttar, sem mér finnst mjög gott til að halda mér við efnið.

Takk fyrir að lesa <em>xx</em> <em>Rósa Soffía</em> Instagram: <a href='http://www.instagram.com/rosasoffia' target='_blank'>ROSASOFFIA</a>