Wed Mar 13 2019

Stjörnuspeki með Fanneyju - Hrúturinn

Aníta Rún

Fanney Sigurðardóttir er viðskiptafræðimenntaður stjörnuspekingur. Hún opnaði Facebook-síðuna: <a href='https://www.facebook.com/fanneystjornuspeki/' target='_blank'>Fanney Stjörnuspeki</a> í nóvember í fyrra, tileinkaða stjörnuspeki. Samband hennar við spekina hefur haldist óslitið í 20 ár en sem barn tætti hún í sig hverja stjörnuspekibókina á fætur annarri til að reyna að komast að því hver hún var. Þessi mikli áhugi á stjörnuspeki kviknaði um það leyti sem fyrstu einkenni geðhvarfasýki fóru að láta á sér kræla, en þar skiptast á miklar hæðir (maníur), lægðir (þunglyndi) og jafnvægi þess á milli. Meðfram því að setja út efni um fræðin á Facebook og Instagram býður hún upp á stjörnukort og einkatíma með lestri og túlkun ásamt því að bjóða upp á stjörnupartý fyrir hópa.

<em>Hrúturinn (21. mars – 19. apríl) er þó nokkuð skemmtilegt merki. Hann er sjálfstæður, beinskeittur, framtaksamur og frelsiselskandi einstaklingur. Já, hrúturinn er svo sannarlega stakur. Hann þarf rými og frelsi til að æða áfram og gera hlutina eins og hann vill gera þá og ef þrengt er að honum getur hann orðið agressívur og leiður.</em>

<strong>Hrúturinn og ástin</strong> Nú er dagur Valentínusar að ganga í garð og því ekki óviðeigandi að fjalla örlítið um ástina. Í sambandi þarf hrúturinn maka sem gefur honum frelsi til að athafna sig og huga að sjálfstæði sínu, það er fátt hrútinum mikilvægara en sjálfstæði. Hann þarf að fá að vera einstaklingur í sambandi. Hrúturinn á erfitt með að skilja fólk sem ert feimið eða til baka og hann hrífst ekki af teprum. Hann er líka svo rosalega beinskeittur, hvatvís og blátt áfram að hann þarf maka sem hefur bein í nefinu, getur ögrað honum og tekið þátt í ævintýrum hans. Þar sem hrúturinn hefur ekki mikið úthald þarf samband hans að vera stöðug áskorun. Hrúturinn hefur gaman að því þegar daðrað er við hann, þegar honum er hrósað og að honum er dást. Hann vill vera númer eitt í lífi maka síns. Ástfanginn hrútur er mjög rómantískur og getur gengið langt til að heilla þá/þann sem hann elskar og ef að hrútur er ástfanginn af þér mun hann að öllum líkindum setja þig á stall. Þar sem hrúturinn er frumkvæður eldur vill hann fremur ganga á eftir maka sínum heldur en öfugt. Hann hefur gaman að leiknum, að þurfa að hafa fyrir því að heilla og eltast við þá/þann sem hann hrífst af.

<em>Frægir hrútar.</em> <strong>Hrúturinn og kappsemin</strong> Frumefnið hans er eldur og hann er frumkvæður. Það þýðir að hrúturinn sækir það sem hann vill en bíður ekki eftir því að hlutirnir gerist. Það þýðir líka að hann er mjög svo góður í að hefja verkefni og koma þeim af stað en ekki svo góður í að halda þeim gangandi eða að klára þau, hrúturinn er spretthlaupari, ekki lang. Ef að hrúturinn stofnar fyrirtæki, ætti hann að koma því á laggirnar með sinni einstöku athafnaorku en leyfa svo steingeitinni að taka við keflinu. Hún er góð í að taka verkefni annarra og koma þeim endanlega í höfn. Þá hefur þú, hrúturinn, tíma til að æða í ný og meira spennandi verkefni, því allt sem er nýtt eða eitthvað sem markar upphaf á einhverju nýju heillar þig mjög. Hrúturinn er kappsamur en sá eiginleiki getur komið honum ansi langt. Hrúturinn er alltaf að drífa sig eitthvert og hvert er hann alltaf að fara? Ég veit um fáa sem hafa jafn marga staði til að fara á innan dags og hrútinn. Ég hef stundum spáð í af hverju hrúturinn talar svona hratt, líklega helst það í hendur við hve skoðana- og málglaður hann er en á sama tíma alltaf að drífa sig eitthvert.

<em>Ég elska þig hrútur.</em> Þú ert svo orðheppinn, fyndinn og fljótfær. Svo rosalega bráður og engum háður. Þú vilt stjórna og leiða. Svo langt frá því að vera einhver bleyða. Gerðu okkur öllum hinum greiða að vera nákvæmlega eins og þú ert. Sjálfstæði þitt, frumkvæði og eldur er hrósvert. En veistu hvað ég elska mest? Það sem er alveg langbest? Hláturinn þinn er svo innilegur, fagur og flottur. Um það skal ég vera vottur. Þegar þú hlærð, hlær allur líkaminn. Algjörlega óhaminn. Og að sjá einhvern hlæja svona innilega. Fær mig til að tárast, hreinlega. Því þegar einhver er svona sannur. Svona gífurlega alvanur að vera nákvæmlega eins og hann er. Um allan líkamann gæsahúð fer. Og fyrir það, hrútur, elska ég þig. Það er bara þannig. Höf. Fanney (29/01/19)

Fyrir nánari upplýsingar um vörur og þjónustu sem Fanney - Stjörnuspeki býður upp á er hægt að hafa samband við Fanneyju í gengum <a href='https://www.facebook.com/fanneystjornuspeki/' target='_blank'>Fanney Stjörnuspeki</a> á Facebook, eða bjalla í hana í síma 868 4102.